張耀榮一聲笑化輕煙

「香港演唱會之父」張耀榮昨日舉殯，在大殮儀式前先進行公祭，與耀榮叔生前合作無數的張學友、郭富城、陳慧琳、許志安、胡楓、鄭欣宜、朱咪咪、拉姑和鬍鬚Kong等人先後到場。胡楓、欣宜及耀榮叔長子張永康等分別在靈堂上致悼詞，欣宜說：「耀榮叔由細睇到我大，好錫我，仲叫我唔好叫佢張Uncle，學佢啲孫咁叫佢做爺爺。」

兩遺孀需親友攙扶

儀式於中午時份結束，耀榮叔生前好友包括林子祥（阿Lam）、學友和城城共8人在風笛手吹奏的哀樂伴奏下，徐徐把耀榮叔的靈柩送上靈車。靈車以金色布布置，綴以一朵朵黃菊、紅玫瑰，張永康捧着父親遺照登車，痛失老伴的張大太太與張二太太哭得肝腸寸斷，由親友攙扶下離開。靈車先帶耀榮叔的靈柩到紅館拜祭，再與眾親友到鑽石山火葬場進行火化儀式。耀榮叔化作一縷輕煙往生極樂，他爽朗的笑聲和對香港樂壇的貢獻，將永遠長留港人心內。

城城抵達紅館後，向祭枱上的耀榮叔遺照誠心上香。

兩遺孀一前一後地要親友攙扶離開。

城城昨日特地乘早機回港，送耀榮叔最後一程，與家屬一同奔波四個地方的他說：「耀榮叔係我恩人，我嘅騷佢每次都有參與、有份投資，完騷後仲會豎起兩隻手指公讚好，然後一齊去食消夜，所以今次我一定要返嚟。」他更稱：「佢對歌手有咁大貢獻，我建議喺星光大道設立佢嘅銅像！」而有出席大殮儀式的朱咪咪亦感謝耀榮叔的幫助：「佢成日叫我返嚟開會傾嘢，我都有嘢做返唔到嚟，對佢唔住。」

多次在紅館開騷的陳慧琳前來送別耀榮叔。	張學友輕扶傷心的經理人陳淑芬步出靈堂。	方力申（左起）、許志安、雷頌德
狄波拉與丈夫	穿透視裝的欣宜在靈堂內分享與耀榮叔的往事。

祖兒歌聲伴登極樂

耀榮叔的女兒張麗芳受訪時再三感謝各界人士的幫助：「特別要多謝阿Lam、學友同城城，城城尋晚仲拍緊戲，今朝一早就趕返嚟。」她又透露靈堂上除播放由容祖兒主唱，送給耀榮叔的《榮耀娛樂》一曲，還有純音樂版的《滄海一聲笑》，她解釋：「爸爸生前努力帶歡樂畀大家，希望各界都唔好對佢嘅離開太傷感。」

文：音樂組