Chilam喼弗：身體屬於觀眾

張智霖獲心儀的品牌贊助七位數戰衣，喜不自勝。

【馮雪怡上海直擊】「Cool魔」張智霖（Chilam）昨日赴上海出席I.T旗下品牌Ann Demeulemeester精品店開幕暨2014春夏男女裝時裝展活動，初時對演唱會服裝大賣關子的Chilam，昨日終於肯透露：「呢個品牌贊助我成個演唱會服裝，已經試過好多套，到時會着五至六套。」他表示兩個月前飛到比利時與設計團隊代表Sebastien Meunier會面，品牌為他特製總值七位數的演唱會服裝：「我一向係品牌嘅fans，啲衫好獨特，好適合我，好榮幸可以着住佢啲衫演出。下月會再試身，好期待見個真身！」

朱古力得個睇字

首次到比利時的Chilam，同行除了工作人員外，還有老婆袁詠儀（靚靚），他說：「嗰次寓工作於娛樂，有啲地方去旅行都未必遊覽到，令我大開眼界。」愛吃甜點的他表示買了很多當地特產的朱古力回來，卻因要喼弗而大呻「睇得唔食得」，但不忘冧粉絲：「好辛苦但值得，身體唔係屬於自己，係屬於觀眾。」他還透露在當地看中一枚價值六位數的鑽石戒指：「想用嚟襯演唱會啲衫，仲諗緊買唔買，好驚想買嘅時候已經買唔番。」

活動上有時裝騷，女模示範一套透視褲裝，十分吸引。	Chilam（左起）與I.T老闆沈嘉偉及設計師Ann Demeulemeester排排坐睇騷。	Chilam於比利時由Sebastien Meunier為他揀選服飾。

任何人事皆靈感

而品牌設計團隊代表Sebastien Meunier被問到是次到上海有否為他帶來創作靈感時，他表示無論到任何地方，遇到任何人，甚至看到任何事物，都會為他帶來靈感：「喺我字典入面，Freedom（自由）對我嚟講係最重要，自由冇束縛先會感到舒服，才會發揮無限創意。」