林超賢自我隔離玩憂怨

導演林超賢執導《激戰》獲4千4百多萬驕人票房，他隨後「轉口味」，開拍英皇電影《魔警》由激情變沉鬱。林導坦言起用吳彥祖（Daniel）是情意結：「佢99年啱啱出道時，大家其實合作過一次。今次再碰頭大家都成熟咗，想將多啲嘢放喺佢身上。」而張家輝首肯演「綠葉」，當事人獲邀時也不禁問句：「點解要我做？」原來林導睇中家輝眼神的殺傷力：「佢唔使殺人都令人望而生畏，我咪同佢講『係得你咋。』」