張家輝贏劉青雲 郭藹明送祝福
昨晚成龍前經理人陳自強開設的Konzepp舉行三周年及Pop Up店開幕派對，不少城中名人紅星盛裝到賀，包括張學友、惠英紅、吳綺莉、林家棟及王馨平等。其中新鮮出爐的金像獎影帝張家輝亦有出席，更被對手劉青雲太太郭藹明大喊恭喜「影帝」。
記者笑指家輝的「哥哥」張學友亦有同場，問家輝可有獲學友祝賀？他笑說：「當晚已經傳咗訊息畀我。（咁你自己點慶祝？）其實都係同朋友食餐飯，尋（前）日同林超賢、彭于晏打咗邊爐，唔需要大鑼大鼓食足七日七夜，我都叫老婆同個女唔使嘥錢送嘢畀我。」家輝又自爆當年為囡囡參加學校運動會跑步比賽得冠軍，比拿影帝更開心，笑言多得杜琪峯導演平日「訓練」。
同場的郭藹明就表示代老公劉青雲而來，又否認老公失落影帝不快，自言他們一早看好張家輝封帝。此外，前晚派對還特別為陳自強預祝生日，並邀得肥媽唱歌助興。