羅仲謙人魚線冇落後

藝人羅仲謙（謙仔）昨日在中環出席護膚品牌活動，問到緋聞女友楊怡曾否幫他做面膜？自嘲「選擇性失聰」的謙仔就笑問：「吓？（女友皮膚靚？）咁就要問吓我最愛嘅女人──媽咪先喇，又射落媽咪度先！（媽咪幫佢整？）媽咪幫我整啫。」又說沒帶過楊怡去媽咪間美容院做facial。
謙仔為女模示範按摩，似模似樣。
謙仔為女模示範按摩，似模似樣。

謙仔指自己正為宣傳無綫《飛虎II》而作準備，問要否操肌？他就說自己有做開運動：「但我睇報紙知依家好多人都好厲害。」有六舊腹肌的謙仔就說現在興人魚線，問他有冇？他就話少少，更笑說：「估唔到男仔依家都要問線。」

謙仔一提到楊怡即「選擇性失聰」。
  • 謙仔一提到楊怡即「選擇性失聰」。