霍啟剛氹晶晶 要囝囝學溜冰

霍啟剛昨日擔任「2014香港花樣滑冰及短跑道速度滑冰錦標賽」頒獎典禮的主禮嘉賓，並在台上頒獎給得獎運動員，他表示兩年前已擔任過主禮嘉賓，有些得獎者更與他見過面，他說：「好幾個運動員大咗好多，有啲話去咗外國讀書，見番佢哋好開心。」

小朋友大得快

問啟剛是否覺得小朋友大得好快？他笑說：「梗係啦！」問到囝囝霍中曦是否也大得很快？他笑笑口說：「都大得好快，睇住佢每日學唔同嘢。（識講單字未？）未識，餓就識嗌囉！」說時流露一副慈父模樣。至於會否讓囝囝學溜冰？他坦言會， 「因為老婆（郭晶晶）好鍾意睇，之前冬奧佢都有睇。」他更自爆自己也有學過幾堂溜冰，可惜沒有這方面天分，所以技術很差。

再生順其自然

此外，提到近日有報道指郭晶晶已火速懷有第二胎，啟剛就作出否認，坦言想囝囝再大一些才生第二胎：「如果太快，大嗰個會jealous（妒忌），前幾日去個朋友BB嘅百日宴，有個媽咪抱起BB，佢個女就狂喊，所以遲啲先啦。」對於再生BB，他再次強調要順其自然，不用刻意，問是否生得幾多個就幾多個？他即笑晒口說：「冇話生幾多個嘅。」

文：名人組