吳卓羲鐵枝插眼險盲
吳卓羲在無綫新劇《叛逃》中再演警察，今次飾演特種部隊，他笑言自己可能是扮演得最多警察角色的藝員，吳卓羲說：「其實次次都唔同，扮演唔同崗位嘅警察，監製鍾意用我可能覺得我容易上手，基本警察知識都知。」
吳卓羲雖然扮過無數次警察，但拍攝動作場面意外總是意想不到，今次幾乎盲眼，吳卓羲說：「呢套戲三年前拍，嗰段時間係香港最熱嘅日子，每日都34、35度，我哋仲要full gear着晒反恐裝備開工，動作戲基本上都係親身上陣，所以每一日啲衫都係濕完又乾、乾完又濕，有次拍我哋接受訓練爬木樁，一轉身畀條鐵枝插到隻眼，當時以為自己眼角膜脫落，好彩只係傷咗啲組織，如果咁樣盲咗就唔抵喇。」