劉俐上位願捱打

近日專心拍劇的藝人劉俐（Kibby），初次扮演吸毒者的角色，過足戲癮的她坦言事業仍需努力，堅決搣甩性感嫵媚的形象，下定決心闖出打女路！Kibby以女神全智賢為終極目標，更自爆性格「男仔頭」，拍動作片拍到周身傷都無有怕：「其實我係好動之人，希望可以拍到動作片，就算撞瘀同受傷都唔驚。我都好鍾意煲劇，得閒就對鏡練習表情，睇完《來自星星的你》後入晒迷，全智賢做戲好放，我以佢為目標吖！」Kibby唔止唔錫身，亦敢於挑戰不同角色：「就算扮醜女，扮精神病患者，我都好想試吓，任何角色都希望有機會試。」