王璐瑤設計安樂窩
o靚模王璐瑤（LuLu）自言兒時夢想是成為室內設計師，目前學習室內設計可謂把夢想實現了一半，她透露：「講出嚟可能冇人信，不過如果睇番我細個讀嘅書，一揭開會見到好多頁都花晒，全部都係我畫嘅floor plan！我由細到大都希望親手設計dream house，學設計算係開始實踐夢想，如果學得成，真係會轉行做設計師！」
此外，LuLu又指正密謀買樓，屆時會親自打造安樂窩：「自己鍾意西環同鰂魚涌，呢排都係咁睇樓盤，打算今年或者下年入市，可能同屋企人搬入去住，或者當投資放租，但肯定會親自設計間屋同裝修咗先，打造心目中最理想嘅安樂窩。」