姿整黎耀祥變髮攻商界

剪了齊蔭頭的黎耀祥笑言被老婆話貪靚。

新劇《商戰》昨日於電視城舉行拜神儀式，一眾演員黎耀祥、邵美琪、胡定欣等均有出席，黎耀祥為演好型男角色更剪了「都敏俊頭」，他表示在新劇中飾演商業奇才，謂今次拍劇均為靚人靚景，他笑謂：「拍劇拍咗三十幾年都未試過咁姿整（所以剪齊蔭？）拍完每個鏡頭都去照鏡！（老婆話你貪靚？）有呀，成日去做facial同拎佢啲面膜敷！」問到他是否為了追上韓風潮流而拍？他謂：「追就追唔到o架啦，但可以提高港劇嘅水準！」

提到藝人北上拍劇都遇到爛片，他直言未聽過，但表示：「唔係香港藝人想拍爛片，要拍出嚟先知效果，一百部有八十部都係爛啦，唔係部部都係精品。」

一眾《商戰》演員參與開鏡拜神儀式，盼望有高收視。

同屬港姐出身的陳凱琳（左）與蔡思貝在劇中的對手戲不多。

陳凱琳有困難

同場的陳凱琳第一次拍劇，大呻拍劇要表現自然很難，不過父母在家會陪她練對白，也有在拍攝時向前輩偷師。蔡思貝則表示拍劇不辛苦，認為得到的經歷與選港姐不同，至於二人有沒有對手戲，她說：「少對手戲但角色會互相影響（太熟會笑場？）唔會，熟先可以見到最舒服一面。」。

文：影視組