黃秋生爆軒仔虛不受補

影星黃秋生、萬梓良、余安安及鍾景輝昨晚出席《第23屆香港舞台劇獎頒獎典禮》，頒發男主角獎的萬梓良與太太到場，他透露剛演完舞台劇《茶館》，希望之後有提名，問到是否恨得獎？他說：「平常心啦！」他透露近來定時作身體檢查，太太為他安排飲食及食藥。
黃秋生
黃秋生

有份頒獎的張敬軒因病缺席，最近秋生與軒仔排練舞台劇，軒仔更有裸露演出，問到是否冇衫着冷親？秋生說：「唔係咁簡單，舞台劇要好多體力。（幫佢補吓？）佢虛不受補呀！（軒仔咩病？）發炎，要照肺！（佢要剝衫？）練習嗰陣唔使，裸唔裸唔係最重要，你估脫衣舞咩！演得唔好，剝十件都冇用！」

萬梓良任頒獎嘉賓，與太太結伴出席。
  • 萬梓良任頒獎嘉賓，與太太結伴出席。