張智霖操肌開騷春光詐洩
「Cool魔」張智霖為七月紅館演唱會舉行記招，穿上肌肉衫化身「山寨肌男」，並預告將會在演唱會才將操練成果表露無遺，他更自信地指老婆袁詠儀（靚靚）見到他的完美身形肯定會為之瘋狂！
張智霖（Chilam）昨日為七月在紅館舉行的一連三場《CHILAM CRAZY HOURS LIVE 2014》演唱會舉行記者招待會，Chilam在台上表示正為演唱會積極操練，說罷更即場上演「脫衣騷」展現操肌成果，解開恤衫鈕大騷六舊「山寨腹肌」，令到台下引頸以待的傳媒紛紛報以噓聲，場面搞笑。Chilam之後又在台上炮製爆谷，寓意演唱會票房大賣。
四面台冧fans
Chilam接受訪問時被問到為何不騷真正的肌肉？他笑言肌肉要在演唱會上才可「見光」：「今日唔可以將所有嘢騷出嚟，要喺演唱會先表露無遺。」他指現正努力操弗，並已減了10磅。Chilam又表示這次演唱會會開四面台，方便他落台和觀眾近距離接觸，握手互動。講到演唱會叫CRAZY HOURS，Chilam謂希望港人入場睇騷減壓：「香港市民經歷好crazy年代，生活上好有壓力，希望佢哋可以趁演唱會嗰晚釋放負能量，開心番一晚。」
會控制情緒
Chilam曾透露上次演唱會因為操肌令到脾氣暴躁，承認老婆靚靚因此受罪，問到他今次再操是否難為了老婆？他笑說：「佢今次趁我操肌去咗拍劇，（怕發洩落囝囝度？）我唔捨得嘅，同埋經過上次經驗，我情緒上會好啲。」他又指老婆會趕及拍完劇睇騷，更自信地指老婆見到他弗爆身形肯定會眼前一亮：「佢返嚟見到我應該會為我着迷，會crazy for me！」
文：音樂組