吳綺莉：大肚嗰陣諗過自殺

藝人吳綺莉、陳啟泰昨日出席有線節目《陳啟泰·吳綺莉 不老的傳說》記者會，吳綺莉自爆大肚時曾有自殺念頭，但她否認患抑鬱症：「大肚婆都有情緒，加上當時又咁多新聞，都係可以原諒。只係見完80幾個記者，腦海閃一閃過啫。」大會播放的片段中，江華自稱遭情緒病纏擾兩年，最嚴重時更出現幻覺，吳綺莉坦言江華幾年前因腰傷引發情緒病：「佢做唔到嘢、照顧唔到屋企又搵唔到錢就開始驚、鑽牛角尖，但佢已經好番。（麥潔文有冇呻辛苦？）個訪問好溫馨，人與人之間互相扶持好緊要，最重要佢哋一家開心。」