陳友驚爆奇迹 太太「肝癌」無影
陳友前晚出席活動時自爆太太去年5月因推拿推斷骨而被診斷為「肝癌入骨」，他無可選擇下只好祈禱，怎料翌日醫生推翻病因，發現只屬多發性骨髓瘤，陳太現已無礙，不禁令陳友嘖嘖稱奇。
溫拿五虎之一的陳友前睌與藝人張可頤、張慧儀等出席電影《真的有天堂》首映。對於失落金像獎「最佳男配角」，陳友說：「聽到張晉的一席話，被佢跟太太蔡少芬的愛所感動，所以張晉比自己更需要攞獎，張晉得獎係實至名歸，唔排除搵佢拍戲，佢做得咁好。」陳友透露公司將開多幾間合資公司拍戲，笑言做演員最舒服，不排除親自演出。」
「嗰時係人生低潮」
另外，陳友透露去年5月與太太從美國返港，因坐長途機後感疲累而去推拿，結果太太的肋骨及盆骨被推斷，最後醫生發現太太肝癌已入骨，只剩幾個月命，他說：「嗰時係人生低潮！」那時他認為已再沒有任何辦法，於是蔣麗萍提議他祈禱，陳友憶述：「我一生人第一次虔誠祈禱，我話日後叫我做乜都好，求饒恕我，畀番太太同時間我。結果第二日醫生話唔係呢個病，係骨髓有啲嘢變異，原來太太係多發性骨髓瘤，有啲細胞喺骨髓侵蝕啲鈣質，依家佢已經好番晒。」
張慧儀養子亮相
張慧儀則罕有帶同10歲養子亮相，她坦言：「我覺得呢套戲幾好，所以請我嚟就覺得要帶小朋友嚟睇。（佢肯出鏡？）盡量唔會多，今日係第一次，點知突然咁多人，都有少少始料不及。」
文：影視組