近年親子節目大受歡迎，內地真人騷《爸爸去哪兒》捧紅了不少星爸及星二代，早前無綫炮製同類節目《爸B也Upgrade》，監製衞世輝透露曾想邀請錢嘉樂、張智霖及呂良偉帶子女出鏡。嘉樂表示確有不少演出及廣告邀他以父女檔上陣，但他卻婉拒：「囡囡個樣太似我，驚捧佢出嚟食埋我嗰份，我咪冇嘢做？講笑啫！其實我想佢享受童年生活，只係負責玩，拍戲太辛苦。佢大啲要喺社會工作，好大壓力，依家有得玩就玩。」
同樣已為人父的吳尊，則帶三歲半女兒吳欣怡亮相浙江衞視節目《爸爸回來了》，節目中他獨力湊女忙足一日，有指酬勞有1,200萬人民幣，問為何接受邀請？他說：「今次只在室內才答應，可透過節目記錄女兒有多可愛，與酬勞可觀無關。」