黃翠如拍拖成日被飛

黃翠如在新劇《愛我請留言》的名字「茹初見」靈感來自《木蘭辭》的一句「人生若只如初見」，借喻愛情來的時候往往美好，但能否歷久常新卻是情侶一大難題。

坐在馬路邊喊

翠如在劇中與洪永城飾演拍拖多年的平常情侶，但卻經不起「愛情保鮮期」而無疾而終，翠如說：「自己都有劇中類似經歷，當時發覺對方好冷淡，但又搵唔到問題同原因，自己都試過坐喺馬路喊，後來先發現有第三者，呢啲可能係現代人嘅愛情，愛情好難維持新鮮感。」

翠如與洪永城在劇中的感情無疾而終。

翠如主動出擊，最終與黃浩然修成正果。

翠如被問到如何為愛情保鮮？她說：「我覺得最緊要係保持童心，人大咗對愛情往往都變成計算，最好係唔好諗太多，雖然我成日都係被飛嗰個，但我好欣賞自己咁蠢，我真係好蠢，拍拖遇到第三者，我通常都係最後一個知，我諗我要搵一個同我一樣咁蠢先得，哈哈！」

對愛情有保留

受過傷的翠如坦言對愛情有所保留，但今次拍劇卻令她上了一課，劇中與洪永城分手後，她喜歡了有個女兒的黃浩然，但對方怕女兒令她有負擔而採取迴避，翠如反客為主，向浩然展開追求而修成正果，翠如說：「呢套劇對自己都有啟發，愛情係要及時去愛，嗰刻猶豫唔去珍惜就會白白錯過。」

服裝：Bread n butter

採訪：影視組