Super Girls孖謝安琪 北上搵人仔

謝安琪經常到內地開騷，相信可帶挈Super Girls一齊搵人仔。（資料圖片）

Super Girls（SG）憑青春活力深受廣告商垂青，同時俘虜萬千宅男心，甫出道已橫掃多個頒獎禮，氣勢一時無兩。可惜她們所屬的「星煥國際」去年底被無綫吸納兼開設「星夢娛樂」，由於SG已有經理人，故未能跟星煥揸Fit人何哲圖（Herman）過檔「星夢」。沒有唱片約的SG即吸引Neway、musicNext及多間國際唱片公司力邀加盟，甚至曾志偉剛開設的愛．好音樂亦曾向五女招手。

稍後公布

據知，SG經理人一直希望幫五女開拓大中華市場，故挑選唱片公司非常審慎，考慮其背景及前途。據可靠消息，SG有意簽約「邁亞音樂」5年，由於「邁亞音樂」旗下有Kay，加上Kay與SG曾是「星煥」歌手，故今次SG再度做Kay師妹，近年不停在內地搵人仔的Kay可帶挈師妹齊齊北上搵食。

Super Girls青春無敵兼形象健康，冇約在身的她們獲多間唱片公司招手。

謝安琪與Super Girls曾屬同一間唱片公司。（資料圖片）

夏森美昨日在電話回應：「我哋好有意願合作，覺得Super Girls好有個性，依家搞緊啲嘢，睇吓稍後有冇嘢可以公布。」而SG經理人與夏森美口脗一致：「自從同Herman冇合作，有好多間公司傾過，夏森美係其中一間。（簽約成數高？）考慮之一。」

文：音樂組