郭子健爭獎：我只係o靚仔

今年的金像獎的入圍名單可謂競爭激烈，為華語片爭光、成功入圍奧斯卡的《一代宗師》入圍獎項達十四個，緊接有十一項入圍的《激戰》及獲九項入圍的《殭屍》，而郭子健執導的《救火英雄》亦有八項提名。對於獲「最佳導演」提名，他表示：「我一睇到個入圍名單，已經『嘩！』其餘四位入圍嘅導演都係前輩，喺佢哋面對我只係一個『o靚仔』，有份分享呢份光榮我已經好開心，當攞咗，已經諗定要擺兩圍搞慶功！」被問到看好哪一位導演奪獎？他說：「應該係《一代宗師》嘅王家衛，但我好希望係《激戰》嘅林超賢！」

影后睇好鮑起靜

至於最佳電影，他表示一定是《一代宗師》，雖然他執導的《救火英雄》未有入圍，他指沒有失望，只要可繼續拍戲、有人記得已經是榮耀。

電影男角陣容強大，成龍亦客串扮演消防隊長。

謝霆鋒、余文樂雖未有入圍男主角，但導演對他們的將來甚有信心。

談到男主角心水，《救火英雄》雖未有獲提名，但他表示男主角仍後生，尚有時間，更看好張家輝封帝。而影后則睇好《殭屍》的鮑起靜，他說：「鮑姐嘅演技出神入化、技驚四座，如果要輸畀《一代宗師》的章子怡，只好講佢嘅角色佔全套戲嘅三分一！」

對於男配角人選，他認為陳友最大機會得獎、而女配角最看好《激戰》中的李馨巧，他說：「佢好老積、又抵死，但佢嘅角色作用好大，同男主角有火花，成套戲好唔好睇都係靠佢！」

特技破全港紀錄

談到《救火英雄》獲八個提名，他直言最希望獲「最佳視覺效果」及「最佳攝影」，他說：「可以話係用蔗渣價錢做出燒鵝，原本預算六百個特技鏡頭去到最後變成二千個，以往講起香港嘅特技，個個都話唔得，但今次係用香港班底，成個特技組只有十個人，以咁龐大嘅特技數目嚟講，用咁嘅價錢、班底、時間，我敢講全香港無人做得到！只有我哋！」

第33屆香港金像獎︰最佳導演提名名單

王家衛《一代宗師》

杜琪峯《毒戰》

陳木勝《掃毒》

郭子健《救火英雄》

林超賢《激戰》

場地：Baby Blue Cafe & Bar

文：影視組