惠英紅恨獎預告請食飯

周日的「第33屆香港電影金像獎」舉行在即，今年「最佳女配角」候選人惠英紅，前晚就特意到尖沙咀攬攬由溥儀眼鏡贊助的巨型金像獎獎座，望沾獎座旺氣，為頒獎典禮預演得獎一刻﹗

睇好麥浚龍

坦言每次提名都想得獎的小紅姐，表示今次同樣恨攞獎：「好興奮，如果有真獎放喺屋企，梗係好過攬假獎！今年我都希望得獎，我唔鍾意講虛偽說話，就好似考試都想攞高分。如果真係攞獎會請大家食飯。」小紅姐又大讚對手，並指今年零壓力：「冇之前咁緊張，完全冇壓力，2010年再攞影后嗰年好大壓力，成個人都瘦咗好多。」

對於前年同樣獲提名女配角，小紅姐自爆有感為電影付出，卻失落獎項，自然失望：「之前拍《武俠》覺得一定要拎，52歲人上幾千呎海拔拍打戲，付出咁多，但都係失望。」談到今年戰衣，小紅姐賣關子未有透露，反而直言睇好同戲導演麥浚龍奪「新晉導演」。

文：專案組