奶奶愛駒野孩子 跑出楊千嬅笑唔停
歌手楊千嬅昨日現身沙田馬場，身旁還有奶奶，但不見夫婿丁子高。穿上連身短裙，配黑絲及戴太陽眼鏡的千嬅，心情甚佳，與奶奶有傾有講，原來昨日為千嬅奶奶黃淑貞的愛駒「野孩子」首度出賽即跑第二名，千嬅戥奶奶開心大笑不停，不失大笑姑婆本色。
正身在東莞公幹的丁子高，表示賽後媽咪已第一時間whatsapp報喜，他說：「媽咪好開心，話帶挈咗好多朋友贏錢，（千嬅有冇贏錢？）應該有啩！」問到「野孩子」名字由來，丁子高說：「媽咪一向鍾意入馬場，去年同朋友一齊買馬，有日佢聽到千嬅首歌《野孩子》，覺得好正，就用咗『野孩子』呢個名。（千嬅咪好開心？）所以要出席支持。」
