張家輝唔介意戲份少

對票房有信心的張家輝盼望可以加薪。

據悉家輝今次戲份不算多，他接受訪問時亦直言：「都係為咗件事啫，總之林導想做，楊生（楊受成）想開，我真係冇乜所謂。」家輝表示早前於柏林影展期間，已率先欣賞過《魔》片，結果帶來無限驚喜，難怪他直言望與林導保持合作關係，談到票房問題，他直言未感壓力：「不過當然都想保持票房長紅啦，如果成績好最希望加薪。」

• 左起：林超賢、林嘉華、張家輝、思漩、吳彥祖為電影《魔警》宣傳。

至於Daniel則專程返港10日協助宣傳，他坦言最掛念囡囡：「佢依家10個月大，但已經單手扶嘢學行，我驚錯過咗重要時刻，惟有叫老婆拍片畀我睇囉。」現忙於在加拿大拍攝動作戰爭片的他，預計6月竣工：「佢哋用緊《阿凡達》嘅技術，但進步咗10年，真係學到好多嘢。」至於思漩則當眾向林導獻媚，希望對方能讓她夥拍Daniel演愛情片。