側田講普通話恭碩良當爆粗
側田前晚在澳門舉行演唱會，他找來好友恭碩良（Jun）做嘉賓，阿Jun在台上大爆阿田的普通話「渣」，他笑說：「有次去北京探阿田，同佢出街，佢不斷喺街撞到朋友就雞啄唔斷，我唔係好識普通話，唔知佢哋噏乜，但每傾完偈，阿田就同人講『din娘』，好奇怪，我一直以為係粗口，點知原來係『電聯』！」
阿田在旁笑到收唔到聲，還突然興奮一口氣講了大堆葡文，阿Jun再踢爆佢：「佢扮嘢亂講一通，不過佢講得似模似樣，」側田在台上感性表示每次上台做騷，都當是人生最後一場騷，為了今次演唱，他用了一個月時間戒口減肥，他笑說：「但慶功宴我決定要大解放，盡情大吃大喝！」