祖藍否認請黑工：指控陰毒！

無綫藝員王祖藍去年參與編劇及主演劇集《老表，你好嘢！》口碑甚佳，但他踩過界做編劇後一直是非多多，最近祖藍不時相約創作團隊為續集《老表，你好Hea！》開會度橋，望再創住績，但又爆出是非。

前晚有讀者報料指祖藍疑與涉嫌聘請黑工的創作公司合作，位於觀塘區工業大廈的該公司經常有操普通話的女士進出，祖藍不時到該公司開會，讀者指肇事公司股東曾透露與部分無綫助導及編劇亦有合作。

發聲明澄清

對此，祖藍昨日透過律師發聲明，認為指控屬惡意中傷及全無根據，他解釋現身該公司是因曾委託筆名馬淼的梁鎰康進行編劇工作，而馬淼有在該處租用地方作為工作室，祖藍自己則從未與肇事公司合作。另外，聲明提到肇事公司澄清從未聘請黑工，只曾聘請若干名，獲入境事務處依照「非本地畢業生留港就業安排」批准在港工作的非本地畢業生，該幾位僱員確是操普通話。最後祖藍表示保留法律權利追究。

同行人所為

昨日祖藍接受電話訪問時，表示為事件感到不開心，直言指控非常嚴重及陰毒：「我了解咗個內容，咁嚴重嘅指控係想打擊我哋創作團隊，會令到入境處嚟查，件事煩咗我一晚，但我光明正大，會追究到底。（知唔知係咩人做？）唔知，應該係同行人，唔明點解要自己人打自己人。（有人妒忌你？）希望放過我啦！我開始做編劇後，已唔係第一次被抹黑，我冇做錯，所以今次要同律師發聲明以正視聽。」

文：影視組