前日正式圓滿結束的日本長壽節目《笑吓無妨》，同晚的紀念特輯瞬間錄得33.4%收視率，成為今年收視最高的電視節目，光榮收檔！節目上SMAP各成員驚喜現身，主持人森田一義又與觀眾大合唱道別，場面感人。
已有32年播放歷史的午間長壽節目《笑吓無妨》，前日播出最後一集，節目由1982年播放至今達8054集，晚上的紀念特輯成功刺激收視率達28.1%，主持人森田一義感性表示：「日後即使唔開心或者辛苦嗰陣，我可唔可以都笑吓？」獲現場異口同聲回應：「笑吓無妨！」
自1994年開始亮相節目，擔任森田拍檔達20年之久的SMAP成員香取慎吾，當晚亦不禁流下男兒淚：「我到依家都冇辦法相信節目真係要結束，到底點解要收檔？」更當眾泣不成聲，而其隊友中居正廣同樣為節目做足20載，謂節目終要收檔是殘酷的事實，期間一度雙眼通紅。
節目中段，SMAP齊集各成員秘密現身獻唱，為森田32年來為節目的付出道謝，令他又驚又喜，更喜謂終於能一償心願做SMAP的一員，而木村亦大讚他是眾人值得學習的榜樣。
節目尾聲，森田率領現場嘉賓和觀眾大合唱開場曲，令瞬間收視標升至33.4%，成為今年最高收視的電視節目，可謂光榮結束，唱畢一眾嘉賓更將森田整個人拋起，令他開懷大笑，亦為節目畫上完美的句號。
文：外娛組