姚子羚喊戲連場鬧抑鬱
藝人黃浩然、姚子羚、傅嘉莉等前晚出席劇集《愛我情留言》的首播飯局，子羚開心表示這餐飯是監製陳耀全萬歲，浩然就笑言想埋單但不夠監製爭。子羚在劇中有多場喊戲，她亦坦言拍攝時情緒低落兼抑鬱：「好彩拍完呢套劇就釋放咗，同我一齊嘅龔嘉欣係我抒發嘅對象，會向佢傾訴。」
對於有指好姊妹胡杏兒的前度黃宗澤（Bosco）與楊崢閃電甩拖後隨即傳出搭上飲食集團太子女戴凱欣，問到子羚有否留意Bosco的新戀情時，她表示有見到報道：「不過應該唔係啩，佢同楊小姐唔係已經認咗咩，Bosco成日搞生意，佢可能係生意上嘅拍檔。（楊崢默認同Bosco分手？）咁我唔知喎，下次去Bosco間餐廳食嘢，順便問下佢先。」傅嘉莉表示角色一出街便收到不少朋友的訊息讚她演出破格。