湯唯Big得太緊搶章子怡風頭

影壇盛事《第33屆香港電影金像獎頒獎典禮》將於本月13日舉行，昨日在舉行場地文化中心開記者會，公開紀念特刊內眾準影帝、影后、男女配角、新演員及導演的造型，一眾候選人爭獎前先鬥企位及華衣服裝。

偉仔子怡企中間

被視為影后大熱的章子怡打扮高貴及企正中間，氣勢十足！但最搶眼的則是湯唯，黑色緊身剪裁的服飾令她罕有展示激凸效果，成功搶子怡「峰」頭！只得20歲新星顏卓靈（Cherry）穿深藍色貼身長裙晒初熟美，前輩鮑起靜則以中性打扮避開與後生女正面交「峰」，以型格突圍。

（左起）黃秋生、劉青雲、梁朝偉、張家輝、古天樂 五位候選影帝穿上西裝鬥型鬥Chok，難分高下。	顏卓靈首次角逐影后，心情難免緊張。	廖子妤有份爭新人獎。

影帝方面，梁朝偉、張家輝、黃秋生、劉青雲及古天樂不約而同穿上深色西裝鬥Chok，五男面向同一方向，營造齊齊行紅地氈的效果。而偉仔跟子怡一樣企正中間，未知是否有玄機？

顏卓靈心情緊張

首次角逐影后的Cherry昨日出席記者會，與爭最佳新演員獎的拍檔蔡瀚億齊齊受訪，兩人互笠高帽睇好對方奪獎，並透露屆時會表演跳舞。Cherry坦言心情緊張：「雖然之前出過騷，但今次係金像獎喎！台下咁多前輩，好難得！會排啲新嘢。」提名新人獎的模特兒廖子妤表示正物識戰衣，身材不算突出的她笑言會破格性感：「出席夢一般嘅金像獎會破格啲，打扮女仔啲。（有咩露？）哈哈！露骨架！」

另外，本屆終身成就獎頒予曾執導《雲海玉弓緣》及《少林寺》等大片的資深導演張鑫炎，他被譽為開創彩色武俠片年代及捧紅李連杰。

文：影視組