祖藍搵老竇黃光亮斷關係

郭晉安、王祖藍、萬綺雯、張繼聰、黃光亮和李亞男等，昨日到將軍澳電視城為新劇《老表，你好hea！》拜神，眾演員造型都很爆笑，當中以郭晉安的「長毛」造型和似足北韓領袖金正恩的林盛斌最爆笑。

亞男演衰人

演富二代的祖藍會在劇中與郭晉安大鬥法，祖藍說：「今次啲角色全部係度身訂造，希望觀眾未見過，好似安仔嘅爛、萬綺雯嘅惡，李亞男就賣個關子，總之係做衰人。」講到杜汶澤激嬲容祖兒，祖藍說：「一人少句啦，我有時玩人都唔知激嬲人，最緊要道歉。祖兒好大方，過咗啖氣冇事。」祖藍暗示劇情後期或加入與黃光亮有父子關係，曾被誤傳是祖藍生父的黃光亮笑說：「最好改到我哋斷絕關係為止，我再講多次同王祖藍冇關係，我哋唔係兩父子。」

祖藍找來女友李亞男演出。

林盛斌（左）與郭晉安的造型都有突破。

萬綺雯的角色是雙重性格，一時會狂鬧人，一時會很無知，並先後與林盛斌和郭晉安有感情線，萬綺雯說：「角色做番自己，祖藍打過畀我老公問我平時係點，同我度身訂造。」

安仔救地球

郭晉安演環保人士立志救地球，但後期卻要扮韓星，問是否扮金秀賢？安仔說：「睇吓到時興乜再扮。」張繼聰與王菀之有感情戲，還會搭上富婆韓馬利，他說：「我唔當自己係鴨，只係用肌肉換前程。」

採訪：影視組