陳嘉佳九霄誤劫機寫遺書
前晚黑雨兼落冰雹導致交通立立亂，航空交通亦大受影響，因黑雨警告而令不少航班不能在赤鱲角機場升降，影帝謝霆鋒與經理人霍汶希（Mani）亦慘在機場「流浪」數小時，Mani昨晚在電話訪問表示：「我哋周街流浪，搵到間餐廳飲咗杯嘢但人哋要關門就請我哋走，覺得好徬徨。」
至於由上海飛返香港的肥妹小寶（陳嘉佳）則在「嚇機」上逗留十二小時，她坦言以為遇劫機而寫定遺書。而滯留杭州的陶大宇十分黑仔，聲稱等唔到上機，要折返酒店，又遇上撞車，好在人無事，之後再返機場繼續等機返港。
此外，陳浩民的太太蔣麗莎、陸浩明亦在微博狂呻在機場等候苦況。至於鄧紫棋亦表示被冰雹嚇親。