譚玉瑛簽新約放學眼濕濕
元老級兒童節目主持人譚玉瑛昨日最後一天為《放學ICU》錄影，並簽新約轉為顧問，正式結束32年兒童節目主持人生涯，她眼濕濕表示是一個完美呼應，亦對未來的新挑戰給予期望！
擔任了兒童節目主持人32年的譚玉瑛是港人的集體回憶，她昨錄影個人的最後一集兒童節目《放學ICU》，並出席無綫為她舉辦的簽新約儀式，正式告別兒童主持時代！以一身長裙打扮的譚玉瑛姐姐，席間簽了兩張合約，包括兒童節目顧問委任狀及藝員合約，並由無綫非戲劇製作總監余詠珊（Sandy）一同簽署作實，其節目拍檔蓋世寶、蕭徽勇等送上蛋糕及鮮花慶祝。
升班做《東張西望》
譚玉瑛表示所簽的藝員合約是一年生約，一年死約，並確認會加入節目《東張西望》做主持，談到生活作息可有變時，她說：「係會有唔同，不過都係一種挑戰，唔應該同一個模式咁多年不變。（入息由9萬變8千？）我就想9萬。（薪酬加減？）秘密，不過對生活冇影響。」
她又眼濕濕回想初入行做兒童節目的首年生日，監製帶着蛋糕為她和當時拍檔張國強慶生：「今日最後一日Sandy又帶埋記者，又係有蛋糕，我覺得係一個好完美嘅呼應。」她坦言會掛念節目，但不會不捨：「我轉咗工作崗位，又唔係離開公司冇得撈，公司都有尊重我意向，我個人都好隨遇而安，做咩都開心。」
拒絕男友求婚
而余詠珊亦大讚譚玉瑛是一個創舉：「TVB咁多年從未有一個藝人，同一個節目做超過30年，係一個創舉。我哋好珍惜呢個artist，同佢傾嘅轉變都係希望對佢好。（新約薪酬對佢有冇影響？）完全無影響，希望佢一、兩年後嘅生活再好啲添。」她又大讚譚玉瑛keep得好，做多十年兒童節目都無問題：「不過有第二種發展都係一個新挑戰，佢入《東張》會主持親子、正面嘅節目為主。」
另外，譚玉瑛昨日在電台訪問中大談與補習老師男友的感情生活，並自爆曾拒絕男友求婚：「好耐之前佢有求婚，但我睇咗一本書，講好多法國人有仔女，但冇結婚，覺得甜蜜就得，所以我同佢講得唔需要結婚呢件事。」
文：影視組