霆鋒Chok爆揸咪電暈粉絲
「鋒聲再響」，最期待的畫面出現了！謝霆鋒相隔14年再度以個人身份踏上紅館高歌，雖然沒有再上演掟結他的經典一幕，但Chok樣不變，電暈萬千歌迷。而Twins表演招牌側手翻，以行動證明青春依然。
自2000年後，謝霆鋒一直未有以個人身份踏上紅館舞台獻唱，近年不斷傳他開個唱，但最終只聞樓梯響。直至前晚「伍樂城幻想國度作品演唱會56X LIVE 2014」接近尾聲時，主角伍樂城在台上表示：「我個演唱會叫幻想國度，幻想到嘅嘢都會出現。」隨即霆鋒由台中間升起唱歌，全場尖叫聲不絕，歌迷終可再聽「鋒」聲。
Twins再施側手翻
壓軸登場的謝霆鋒保持一貫Chok風，穿白恤衫的他刻意扣少兩粒頸喉鈕，唱《無聲仿有聲》時更手插袋向觀眾放電。他說：「上次上台係陳奕迅騷畀驚喜佢嗰次，我好慚愧，正式喺紅館揸咪唱歌已經係十四年前。」伍樂城笑問：「你掟爛好多支結他？」霆鋒答：「6支啫，道具嚟，Anyway，恭喜你。」語畢向已故「香港演唱會之父」張耀榮致敬：「多謝番耀榮叔。」
演唱會另一必睇位是Twins唱《愛情當入樽》，兩女再次施展經典側手翻，不過穿熱褲的蔡卓妍（阿Sa）意外失守，露出黑色打底褲。一口氣唱足20分鐘的鍾欣潼（阿嬌）揚言：「為咗你（伍樂城），我哋咩都做。」阿Sa則自言寶刀未老。
楊千嬅兩度險仆
同場演出歌手還有容祖兒、楊千嬅、關心妍、張智霖、許志安、吳雨霏、麥浚龍、衞蘭等。穿長裙的千嬅兩度Kick親，幸有驚無險，關心妍則憑Big爆上圍搶鏡。至於穿緊身裝的衞蘭卻大殺風景，乍現脹爆手臂及「肉背」。
文：音樂組