讚老爺好叻 周家蔚心郁生馬女

洪金寶在杜拜為港人爭光，新抱周家蔚昨日則在港出席兒童玩具博覽活動，洪天明更抱住囝囝洪大仁（小TJ）現身台下撐老婆。談到老爺的愛駒「崇山寶」前晚於杜拜賽事奪冠，周家蔚大讚好叻：「好開心！老公（洪天明）都好緊張，佢知道攞冠軍後好想慶祝，但冇人陪，因為我去咗食飯。（老爺獲巨額獎金會否帶挈你？）令我好想生個馬女！因為馬好勤力！」天明則透過電話訪問稱：「平時我會陪爸爸入場，但今次杜拜太遠冇得陪。（點樣慶祝？）我擔心佢一返嚟已經要去大陸開工，好想同佢食餐飯慶祝！」