洪金寶杜拜捧盃贏468萬慶粥

洪金寶（三毛）與太太高麗虹前晚出席杜拜世界盃日，力挺愛駒「崇山寶」出戰國際一級賽「阿喬斯短途錦標」。三毛雖然戴上黑超，仍難掩身為馬主的緊張，始終阿喬斯短途錦標是世上其中一項最矚目的一級短途賽，「崇山寶」雖擁「香港短途馬王」美譽，但與賽的世界各地名駒亦屬馬中赤兔，絕非泛泛之輩，難怪三毛在「崇山寶」比賽末段不斷吶喊「Come on、come on！」為愛駒打氣。結果「崇山寶」不負眾望，在騎師「雷神」莫雷拉胯下，力壓各駒首先衝過終點，除贏得世界級榮譽外，更獲頒60萬美元（折合約港幣468萬）獎金。

衝線一刻似「尿急」

三毛賽後十分興奮，除與練馬師姚本輝即場相擁，更在頒獎台上將獎盃高舉過頭，與在場人士分享喜悅。談到愛駒揚威海外，他說：「心情好似好尿急，一路都屙唔到，忽然間屙到嗰種『啊……！』的心情形容唔到，係好緊張。第一次嚟呢度，未知隻馬對個跑道係點樣，由佢跳出嚟到埋觀眾席，好緊張，everything好緊張！佢過咗終點，我都唔知過咗，仲以為跑緊。」

放大圖片	杜拜賽事現場請來天后「籮霸」珍妮花露柏絲落力演出。（Getty Images圖片）

三毛被問到愛駒捧得海外殊榮對他有何意義？從他的言辭，可以感受到他的興奮心情，他說：「冇意義㗎！唔係，我個意思係對我哋冇乜嘢，我覺得香港所有馬迷都喺度戥我高興，佢哋可能仲嗌得大聲過我，好多謝大家！」三毛更謂有特別的慶祝方式：「想食碗柴魚花生粥！」

累積千二萬獎金

據悉，三毛當日僅以60萬港元購入「崇山寶」，但連同杜拜賽事剛贏得的468多萬獎金，「崇山寶」已累積1214.5萬港元獎金，證明三毛眼光獨到，與騎練合作無間，將一匹不被外界廣泛看好的馬匹，訓練為香港的「短途馬王」，更成為揚威國際的世界級名駒！三毛如此興奮，相信是為自己的眼光大感自豪！

樂壇天后「籮霸」珍妮花露柏絲（Jennifer Lopez）前晚為杜拜世界盃擔任表演嘉賓，穿上一身牛仔造型的籮霸，谷胸騷腿大賣性感，更與舞蹈員又唱又跳大晒舞功，令現場觀眾為之興奮！