子羚冷落嘉欣喊住道歉
黃浩然、王浩信、傅嘉莉（Kelly）及姚子羚等昨日宣傳新劇《愛我請留言》，眾人於台上被要求將心底話講給身邊人聽，不乏感動場面，Kelly表示多謝母親照顧，講到眼濕濕。子羚致電同居好友龔嘉欣，同樣講到喊：「因為自己屋企有隻狗仔要照顧，所以成日陪唔到嘉欣，有啲歉意，佢係我好好朋友，有咩事都同佢分享。」電話另一端的嘉欣亦說被感動得想哭。
傅嘉莉想搵真愛
演內地新移民的Kelly在《愛》劇中希望來港找工作及白馬王子，問現實中是否也想找個CEO男友？她說：「想搵真愛，唔使CEO，最緊要愛我同錫我。」她說想36歲前結婚生子，並羨慕好友黃文迪及呂慧儀將做父母。
浩然做完美爸爸
浩然演完美爸爸，問現實中是否也一樣？他表示曾看過吳彥祖的訪問，吳彥祖指自己在太太Lisa.S懷孕時忙拍戲，收工回家就對住電視發呆，令他有同感，自覺要多花時間陪小朋友，問浩然太太有否埋怨？他說：「大仔三歲、細仔11個月，太太四年冇放假，最近佢準備同朋友去旅行。」另外，演浩然女兒的童星Celine在場不斷擺可愛甫士，非常搶鏡。
文：影視組