《孤星淚》（Les Miserables）女星雅曼達施菲（Amanda Seyfried）承認自己年紀小容易動情，不時會搭上男拍檔，更大讚過往拍攝床戲的對手性感又有型，拍起性愛戲時令她Enjoy不已！
記：記者 雅：雅曼達施菲
記：有否因自己太紅常被狗仔隊追訪而煩惱嗎？
雅：可能自己老咗，或者因為現時是社交媒體相當發達的時代，直到去年才開始覺得自己有點名氣，以前一直覺得無人留意我的作品，只是個無名小卒，直到《孤》片於國際上取得成功才改變所有事。
記：最近有時間度假充電，覺得好嘆嗎？
雅：我係度假屋入面Hea足一日，完全無做任何嘢，我以為會好享受，但我竟然因為自己無做任何事而覺得荒廢了一日，自己都被呢種想法嚇親，我大概開始想念工作了。
記：曾於《陰點鬼情人》（Jennifer's Body）中與索爆的美瑾霍絲（Megan Fox）咀嘴，有何感覺？
雅：那一場女同志床戲真係好正！跟美瑾咀起上嚟十分合拍，我哋接吻技巧真係好似，如果我再睇番嗰幕一定會覺得好性感。
記：經常抽時間與愛犬Finn散步，真的很有愛心。
雅：最近去韓國發現機場有人高舉Finn的照片，直至去年大家先開始學識點樣讀我個姓氏，但大家已經很了解Finn，清楚知道關於牠所有事情。
記：經常無懼拍攝性愛場面，其實有何感覺？
雅：性愛場面真的很正，好多跟我同年齡的男對手都相當性感，又有型兼好懂得尊重別人，咁仲有咩問題？我唔打算扮嘢講話唔Enjoy！
記：是否如報道所言很容易跟拍檔撻着？
雅：拍攝電視劇時認識咗初戀男友，我們第一次咀嘴是在拍劇時發生，十足童話故事一樣。當你後生時，真係好難唔跟對手撻着。雖然咁樣唔係個好主意，但拍戲係個親密又浪漫的過程，我愛拍戲就似我愛戀愛一樣。
雅曼達雖然外表斯文，但其實為人相當硬淨，甚懂得如何保護自己。早前雅曼達便在YouTube上載一段自己學習女子自衞術的短片，更即場跟師傅Avital Zeisler過招，動作有板有眼，而且拳拳到肉，相當有勁。原來雅曼達已經學習自衞術超過5個月，難怪身手不俗。
此外，雅曼達日前在Twitter自爆行李中藏有瑞士軍刀，但仍成功逃過安全檢測順利上機。
姓名：Amanda Michelle Seyfried
出生日期：1985年12月3日
出道日期：1996年
代表作：雅曼達既是歌手、模特兒又是演員，在出色作品有《媽媽咪呀！》、《孤星淚》、《深喉女神》
文：外娛組