藝人黎耀祥（祥仔）昨日出席閱讀寫作比賽啟動禮，即使前晚拍攝無綫劇集《無雙譜》至凌晨四點亦不見疲態。會上祥仔向來賓分享家書，亦大爆仍會與兒子文字來往：「依家個仔都大個，好似兩個男人傾偈咁。同埋用文字易開口啲，有時對口對面會好肉麻。（你覺得？）佢覺得肉麻，我仲可以同佢講我愛你。」問有否打算再寫專欄出書？祥仔表示不會：「從來都唔覺得自己係才子又或者文化人，我係演員嚟，出書都係紀念吓。都有人問我會唔會出多本又或者補充吓。」
