廖碧兒法國領風騷 認咀新歡
近年受盡情傷的廖碧兒，昨被《好報》披露跟法國著名酒莊莊主Jean-Charles Cazes蘊釀一段紅酒情緣！早前她以女主人身份現身Cazes的晚宴，兩人離開時更情不自禁當街攬錫；碧兒昨認身在法國，語帶風騷，冧笑稱與對方「相處中」！
2008年已和陳豪低調分手的廖碧兒，因之後被拍得和富二代林忠豪約會，慘被指是拜金女，有苦自知。昨日《好報》拍到日前碧兒以女主人家身份現身法國著名酒莊Chateau Lynch-Bages在馬會會所舉行的紅酒晚宴，身為主人家的酒莊莊主Jean-Charles Cazes滿場飛的不斷向朋友介紹碧兒，更大讚她聰敏。晚宴尾聲Cazes甚有風度地護送碧兒到門口等車，期間Cazes更一臉不捨的主動攬錫；而碧兒近日更被拍得趕搭夜機到法國，明顯是到當地會新歡！據透露，碧兒當年與陳豪分手後外遊寄情，在法國紅酒莊園認識Cazes的父親，後來Cazes因生意關係經常港法兩地飛，兩人漸生情愫。
全程冧笑：係好朋友
昨日碧兒接受本報電話訪問並坦承身在法國，問她是否和Cazes拍拖？她雖語帶保留，但全程冧笑說：「總之依家係好朋友。（Cazes係理想對象？）依家唔知，相處中，總之係好朋友關係。（你哋係紅酒情緣？）無疑對方嘅紅酒知識好深，令我學咗好多嘢。（影到你同Cazes當街咀！）其實係法國人嘅禮貌，係goodbye kiss。將來嘅嘢冇人知，依家重心放喺工作上。」對於早年慘被指因拜金而跟陳豪分手，碧兒說：「過去嘅嘢唔想再提，人係向前望嘅。（今次去法國係見Cazes？）哈！唔話你知！」
文：專案組