陳展鵬逃出生天瘦十磅

陳展鵬三年前拍攝的無綫劇集《叛逃》最近終於「重出生天」，用汗水及體重換來的劇集守得雲開收視理想，展鵬說：「呢套劇由頭到尾都好多動作場面，又要打、又要吊威吔，拍嗰陣仲係夏天最熱嘅時間，呢套係拍劇以來最辛苦嘅一套，一路拍一路瘦，足足瘦咗十幾磅，依家終於出街真係等足三年。」

發燒頂硬上

展鵬劇中除了動作戲體力勞動外，感情線與陳茵媺、蒙嘉慧愛得生離死別，緊湊節奏令他拍攝時難有喘息機會，開工三個月精神拉得繃緊，問到展鵬可會捱不住？他說：「有場爆炸戲一路拍一路發燒，都有啲暈暈哋，可能係天氣太熱中暑，後來食咗兩粒退燒藥又冇乜事繼續拍。」

陳展鵬特別擅長演繹亦正亦邪的角色。

陳展鵬在劇中與陳茵媺及蒙嘉慧愛得生離死別。

爭女不手軟

展鵬似乎對亦正亦邪的角色甚有把握，觀眾也相當受落，他說：「自己鍾意有電影感嘅角色有正有邪，都好多謝監製塑造。」劇中展鵬與吳卓羲兩兄弟同時愛上陳茵媺「爭女」，問到現實中可有發生過？他笑說：「咁又冇，呢啲嘢細路仔先會發生，如果要我選擇我覺得愛情緊要啲，因為我係獨仔根本冇兄弟。」

文：影視組

攝影：沈健程