陳茵媺遭下令禁笑

性格樂天的陳茵媺於劇集《叛逃》來個大挑戰，演繹一名內斂又Cool的Madam，監製一開始已下令，禁止她笑得過分燦爛，眼神亦不能太陽光，令陳茵媺大感有難度，拍檔吳卓羲於對稿時又經常爆肚，令全場笑翻天。

談到拍攝難忘事，陳茵媺透露一場講述其情緒崩潰大喊戲份，拍攝時間長達12小時，她謂：「我從來冇試過一直拍到第10、11個鐘，最重要嗰part，個感覺突然冇晒！本身要用真感覺演戲，所以搵唔到個feel就開始緊張，後來當日我食午餐都暱角落頭，任何人同我傾偈都係一兩句，好在最後都做得到，亦因為嗰次令我學到好多嘢。」

陳茵媺透露囝囝成日笑，黐爹哋又黐媽咪，唔會偏心。

陳茵媺在《叛逃》的角色既內斂又冷酷。

訓練囝囝有思想

對於囝囝Aiden出世至今3個多月，陳茵媺一臉甜絲絲透露與陳豪每次聽到有喊聲，也會鬥快跑到Aiden身邊，就連半夜餵奶，陳豪也會陪伴在側。問到是否開始為Aiden張羅學校？她直認：「開始諗，聽講香港好誇張，要research學校，我喺外國出世會嚮往自由，都想個仔訓練自己思想，功課係重要，但佢點應付每件事，對人生每一日係從咩角度去睇，要有想法比較重要。」

她坦言現已教Aiden發英文字母單音：「一開始講嘢已經好開心，就算係講叉燒都好開心，個仔成日都笑，瞓瞓下都會笑。（送囝囝去外國讀書？）睇佢自己想唔想，起碼都要大學之後嘅事。」

文：影視組

攝：司徒國榮