文詠珊畀空間霆鋒

昨日JM與無綫小生羅仲謙及Alice B.等為Ted Baker春夏時裝騷擔任模特兒，JM共演繹兩套服裝，負責打頭陣及壓軸。

最近冇見Gaile

JM坦言很久未有行騷，她笑言再次重操故業很有親切感，她說︰「頭先喺後台好趕咁換衫，以前成日都係咁做。我對上一次幫呢個品牌行騷係同樂基兒（Gaile）一齊行。」提到Gaile日前回港，JM表示未有機會跟她見面︰「不過佢有將佢設計嘅首飾嘅相send畀我睇，我覺得好靚好鍾意。（Gaile話同前夫黎明再見不是朋友﹖）新聞日日唔同，佢識處理。（知唔知佢感情狀況﹖）我唔清楚。（佢話自己佔有欲強﹖）喺我心目中佢係一個好Sweet好熱情嘅女仔。佢對男友係點我就唔知。」問她對另一半是否佔有欲強的人﹖JM坦言:「呢方面無咁癲，我會緊張男友，未至於佔有欲強，兩個人相處一定要有空間。」

謝霆鋒	文詠珊搭住羅仲謙膊頭，盡顯默契。	Alice B.（右）穿上充滿春夏氣息的裝束行騷。

羅仲謙護楊怡

至於羅仲謙透露早前為拍劇而增肥，故現在要刻意減磅，提到有傳其緋聞女友楊怡為他而整容，他明冧楊怡說︰「佢根本就係靚女，唔需要。（肯定佢冇整？）要保養嘅都係我自己先。（話佢整後生嚟襯你。）佢本身靚，同埋無綫打燈打得出色，先有咁嘅效果。」

文：名人組