Ase讚型英帥願為樂仔居港

余文樂近日被指與32歲的混血索模王惠敏遊美，繼而傳緋聞，Ase昨日與戴庚玲及Lea T.現身「Belvedere Lemon Tea產品發布會」，Ase受訪時被追問戀事，即有備而來說：「我冇男友，我哋（與余文樂）係好友，識咗好耐，佢係個好好嘅人。」問Ase與樂仔可有發展空間？她說：「發展到咩關係？（男女朋友？）唔知將來點，但我仲後生，想周圍去。（佢係咪你杯茶？）佢外形好、心地好，但我覺得心地緊要啲。」

希望順其自然

再問Ase樂仔可有追求她？她只說：「好鍾意同佢傾偈，喜歡聽佢意見。（你依家單身？）係，（余文樂都單身？）好似係。」Ase謂不想計劃太多，希望生活順其自然，在泰國經營髮型屋的她，最近泰國香港兩邊走，她很喜歡香港，說若香港有男友，不介意定居香港，但一定要有自己事業。

Lea T.與戴庚玲昨同以清爽裝束現身。

戴庚玲

麥浚龍（Juno）女友戴庚玲，被問如何跟昨生日的Juno慶祝？她說：「遲啲慶祝，今晚（昨晚）食唔到飯，因為大家都忙，（準備咗禮物未？）準備咗，不過未到，想特別啲。」戴庚玲現主力教小朋友英文，問可會因此想生小孩？她說：「唔會，因為要好有耐性，我都練緊。（有冇計劃結婚生B？）未諗，（佢係咪你結婚對象？）唔知，順其自然。」她亦甘做Juno背後的女人。

應昌佑做老竇

霍啟山的緋聞女友Lea T.表示喜歡跟朋友把酒談心，她曾學打碟，但沒信心表演。另外，昨日任司儀的歌手應昌佑表示，太太日前誕下兒子。

文：名人組