陳茵媺囝囝叫梓燁不停話good
靚媽陳茵媺（Aimee）終於為乖仔Aiden改了個「有意思、好聽又過到爹哋媽咪嗰關」的中文名——陳梓燁，Aimee被笑將來Aiden罰抄一定會「念親恩」，她即寫包單指Aiden好乖，唔使罰抄！
陳茵媺與林海峰昨早現身九龍灣，出席《麥當勞「全港早餐日」》活動，齊齊向市民派包，大受歡迎。Aimee在活動上表示，終於為她與陳豪（阿Mo）的愛情結晶品Aiden改好中文名，她以有限的中文說：「Aiden中文名叫『陳梓燁』，好有意思o架，梓係特別嘅樹，用喺名字上代表大器有成，燁代表光輝燦爛，字形又靚，講出嚟又好聽，it's a perfect name！我同阿Mo都覺得個名好有passion（熱情），希望個名可以為Aiden打下好基礎，因為名字跟一世。呢個名要過好多關，要有意思、好聽、少人用，又要過爹哋媽咪嗰關，我中文唔叻，請埋爹哋媽咪幫手，所以諗咗好耐。」
Aimee指Aiden聽到自己的中文名反應極佳，她說：「佢聽到我哋嗌佢『梓燁』，佢就話goo、goo（good）咁囉！（有冇問過玄學家意見？）依家先搵會唔會太遲？不過名字係父母畀嘅，性格點樣都要靠自己。（第時罰抄咪慘？）佢會好乖，唔使罰抄！」
林海峰想收山
林海峰被問到是否與太太彭羚分頭行善，他發揮幽默本色說：「咩分頭行事？啊，行善！係呀，我哋日行一善，各行各路，唔使喺埋一齊嘅，分開做都好o架！（彭羚話唔係你唔畀佢出山，算係幫你平反？）我非常同意我太太，我好支持佢決定。出山唔一定做番舊時啲嘢，佢行咗另一座山啦，仲行得快過我，希望我有日可以追到佢。其實我一直有向佢暗示我想收山，唔知佢收唔收到？」
文：影視組