婷婷唇服戴尚安 合體吸金

婷婷與Sean暗撻近半年，戀情愈見浮面，近日更被《好報》踢爆婷婷不理母親狄波拉反對，與Sean火速發展至同居關係，愛得難捨難離。婷婷日前為代言的美妝品牌ESTEE LAUDER唇膏系列拍攝網上廣告，導演及攝影師正是Sean。今次廣告構思由Sean負責，在他親自執導下，將婷婷不同美態完全呈現出來，每個鏡頭亦反映出Sean眼中最吸引動人的婷婷。

不容有失表現緊張

兩人對今次合作非常重視，Sean為婷婷打造多個風格鮮明的時尚造型，令她盡顯東方女性氣質。見慣大場面的婷婷在Sean面前亦表現緊張，因為能跟愛郎合作，覺得不容有失，故每拍攝一個鏡頭，她與Sean都會齊齊睇playback，務求做到最好。結果Sean成功捕捉形象百變的婷婷，直言非常滿意拍攝效果，更不避嫌大讚女友：「婷婷形象百變，傾情演繹每個美妝形象，我相信大部分人嘅目光都會被企喺紅地氈上高貴華麗嘅婷婷所吸引！」他更自爆覺得塗上鮮紅色唇膏的婷婷最性感誘人，愛慕之情可謂表露無遺。

Sean最滿意婷婷駕駛古董車的造型。	婷婷與Sean合作非常緊張，每拍完一個鏡頭都要睇playback。	婷婷於廣告中會有策騎演出。

今次廣告內容講述婷婷多姿多采的生活，她一天內擔當不同角色，每個角色亦能夠展現其魅力。Sean最喜歡婷婷駕駛古董名車的造型，因為那種搖滾型格的味道，正是真正的婷婷。由於廣告拍攝只得兩日時間，行程相當緊密。當時正值寒冷天氣，但婷婷依然表現專業，不論駕駛名車或騎馬鏡頭，她都從容淡定，自然地流露迷人電眼及擺出不同甫士，凸顯最艷麗一面，足見愛情可以令一個女人變得更美。

拍攝當日天氣寒冷，穿單薄衣服的婷婷毫無怨言。	Sean聚精會神看自己執導的作品。	謝賢

謝賢：等佢哋發展

婷婷父親謝賢昨日接受電話訪問，問他是否滿意「準女婿」？他說：「咩滿唔滿意啫？仲係好好朋友，我個女依家嫁唔出咩？要等佢哋發展成熟啲，依家十畫都未有一撇。」再問他喜不喜歡Sean？他稱：「唔到我鍾唔鍾意，你嫁嗰陣有冇問你老竇鍾唔鍾意呀？（見過面？）有，當朋友咁介紹吓囉！」

文：名人組