熊黛林愛熟男唔揀細路
名模熊黛林（Lynn）、廖碧兒、黃芷晴等前晚出席汽車活動，Lynn身穿鮮黃色中空長裙，性感飄逸，她直言真空上陣：「冇得打底，冇得走光，因為走光通常走打底嘅嘢，我重要位置黐咗嘢。」提到前緋聞情敵苟芸慧日前與郭富城出現活動，也穿上同色，Lynn說：「我冇睇到，今年興嘛，條裙公司揀。（你哋品味一致？）要喺娛樂圈長久，衣着要有啲品味，要跟潮流。」說到苟姑娘與城城傳出緋聞後首次一同出席活動，她會否心裏不是味兒？她說：「點會？我有睇報道，知件事，但冇留意件衫。（依家已經放鬆唔介意？）有咩好介意？」
至於城城讚苟姑娘為女神，Lynn亦不甘示弱指很多人讚。另被問到白色情人節有否收禮物，她說：「未搵到，如果早知道（情人節），早啲搵個人讚我，淨係讚我，淨係鍾意我一個。」
只關注鍾意嘅人
提到有指城城在Instagram結識十八個o靚模，她笑說：「我有玩，關注嘅都係朋友，有五十個，我啱啱開始玩，只關注鍾意嘅人。」她又謂不知道城城有玩，問會否關注對方？她說：「關注咗我嘅朋友先啦。（佢add十八個o靚模係咪好濫？）嘻嘻，唔知點代佢答，我add嘅係我朋友，欣賞嘅藝人。人哋加咩人，冇得講，最緊要有娛樂作用。（佢識啲女仔愈來愈後生？）呢啲唔係我理嘅事。我自己鍾意啲心態成熟的人，唔通六、七十歲人仲細路仔咁咩？咁就唔得啦，如果年紀細過我，但照顧到我同錫我都無所謂。」
文：名人組