茵媺曬幸福賀囝囝百日

昨日陳茵媺、吳卓羲、陳展鵬、楊秀惠等到將軍澳為新劇《叛逃》宣傳，穿迷你裙上陣的楊秀惠大騷美腿，幾乎春光乍洩。

有仔萬事足的茵媺透露囝囝前日出世百日，一家三口日前到泰國蘇梅島四日三夜，享受陽光與海灘慶祝，她說：「個仔好乖，坐飛機都冇喊，可能佗住佢時已經飛嚟飛去，習慣咗坐飛機。」她又指以母乳餵兒子，故可省卻帶奶粉的問題，但為首次出門的囝囝也準備了一篋行李嬰兒用品。

陳茵媺日前一家三口去蘇梅度假，為出世百日的囝囝慶祝。

劇組於現場玩「爆紙」，嚇得茵媺等人花容失色。

談到白色情人節，茵媺透露留在家中切蛋糕及慶祝兒子出世百日，雙重幸福。問到陳豪曾表示婚後不想拍咀戲，在該劇中有咀戲的茵媺則笑說：「佢冇同我講過喎，身為演員將來都要面對小朋友見到父母呢啲畫面，係需要去處理，套劇拍咗好耐，好開心有機會播，但我都諗唔起同邊個咀，到時播嗰陣要掩住阿Mo（陳豪）對眼。」

吳卓羲sell爆破戲

同場的吳卓羲被問到有傳因蒙嘉慧離巢，而令該劇完成3年後才出街時，他說：「唔係，據我所知因為當時出咗《飛虎》，公司唔想題材太似先唔推出。」他又相信公司不會剪走蒙嘉慧的戲份，對於收視，吳卓羲充滿信心說：「警匪片觀眾一向都鍾意，同埋聽監製王心慰講，啲爆破戲拍到超支，唔睇我都睇吓啲爆炸場面啦。」

文：影視組