李嘉慧八歲囡囡識貪靚

名模李嘉慧與歐陽妙芝、設計師何志恩等昨日出席童裝活動，李嘉慧透露八歲的女兒已開始貪靚：「有次佢同我出街畀人偷影，之後嗰兩日佢都唔肯拖我，因為佢話影得佢唔靚。所以我會幫佢着靚啲，等佢肯拖我。（幫佢化妝？）唔會，不過要佢整齊。」
李嘉慧笑言以後同女兒外出都要為她打扮得靚啲。
李嘉慧笑言以後同女兒外出都要為她打扮得靚啲。

帶同二女Katrina現身的何志恩，則透露大女要補習，故未能同行。她慨嘆說：「香港教育制度都係要死讀，身邊嘅人都鞭策小朋友，我唔做都會怕。大女同我一樣咁鍾意發夢，所以都要跟佢啲功課。佢爸爸成日都話我好似盲人帶住盲人咁。」而帶同一對兒子現身的妙芝，則透露小兒子發燒，自己亦被他傳染，故於出席活動前看了醫生。

妙芝的一對兒子十分活潑。
  • 妙芝的一對兒子十分活潑。
何志恩的囡囡有點兒害羞。
  • 何志恩的囡囡有點兒害羞。