衛詩雅 愛單眼皮男仔
藝人衛詩雅、李思捷前女友王宝宝（春卷）、「警鐘胸」模Jessica C.等昨日出席又一城活動，衛詩雅透露自己正積極學韓語，並希望到韓國發展；問她是否為了認識韓國男生？她說：「唔係，為睇韓劇。（最想同邊個合作？）全智賢，佢係我偶像。（男星呢？）同邊個都得！因為我鍾意單眼皮，佢哋好多都似我鍾意嘅男仔樣。」
春卷被問到有傳李思捷狂追胡杏兒三個月時，她說：「如果係嘅話都幾好。（佢哋喺網上放攬相開玩笑，畀人話講大話喎！）冇去到咁嚴重，玩吓啫。思捷一向鍾意玩玩吓。」另外，JC透露自己的祖父因患癌離世，而阿姨亦曾患上乳癌，她坦言會小心飲食及做運動以防癌，問到她會否倣效荷里活女星安祖蓮娜祖莉（Angelina Jolie）切乳防癌？她說：「如果咁樣可以救到我條命，我一定會咁做。」
