樂基兒退居幕後 索模sell飾相

名模樂基兒與天王黎明離婚後，已搬到峇里與新男友Denim一起生活，並在當地結識了不少設計師。去年她夥拍曾與Kanye West設計太陽眼鏡的著名設計師Ozlem Esen，一同推出自家首飾品牌Smoky Roses by gia。而籌備大半年的首飾近日面世，Gaile特別請來混血索模Mia拍攝全新宣傳照。問Gaile何不親自做生招牌？她笑說：「因為今次我身份係設計師，唔想人哋混淆，所以我只做幕後。」

生產遇困難

Gaile表示由設計到生產過程都碰到不少困難，她說：「因為第一次做，冇乜經驗，自己搵工廠做，但唔係第一次就做得靚，做得唔好整過又要時間，學到嘅嘢係好珍貴！」問到這次投資多少？她笑說：「我只係小本經營，加上每個設計都只係得一、兩件，所以只係投資咗好少錢咋！」

樂基兒今次專注做幕後，凡事親力親為。

樂基兒戴上首飾拍照。

一條龍服務

Gaile除了參與設計外，更成立了一間網上公司方便發售，實行一條龍服務。她表示第二個系列將會在九月誕生。而早於與黎明相戀時，Gaile已經替旗下歌手如衞蘭及JW做形象指導，問到日後可會贊助她們？她笑說：「唔知佢哋知唔知我嘅設計，如果朋友鍾意，送畀佢哋都冇所謂啦！」

文：名人組