徐子珊結婚要夠慶
徐子珊、吳啟華、王浩信等昨日為新劇《再戰明天》開工，拍攝一場王浩信pre-wedding戲份，子珊則與「情人」啟華久別重逢，發現對方為自己改變衣着品味，由於氣溫驟降，一眾演員於未埋位也要穿上外套保暖，還不停流鼻水，認真慘情。
弱不禁風的子珊準備充足，帶備暖包上陣，問到有否憧憬他日婚禮情景？子珊笑謂：「絕對唔係呢度，應該會係溫暖地方，同成班好朋友一齊，應該會好開心，唔需要太誇張，沙灘幾好呀！（三點式？）又唔使一定，着薄紗裙都好靚，唔使着高踭鞋（反串着西裝囉！）上次《My盛Lady》已經做咗啦！不過呢啲嘢到時先算。」對於劇中啟華為她而改變，那現實生活中，過往的戀愛史有沒有男仔曾為她改變自己？子珊指習慣是互相影響，不認為能為誰而改變，更謂：「有時自己變咗都唔知！」
王浩信想紋身
而啟華則透露今次與子珊不乏Kiss戲份，大讚這位新對手投入程度快，談到為另一半改變，啟華不諱言也有為太太改變，他謂：「以前我係唔買衫，依家就會成日去買，有時太太都會陪我買，大家會互相畀意見。（夫妻裝？）冇刻意，婚後少啲。」
至於以波浪恤衫現身的浩信，笑指現時接受度高，不介意着裙、高踭鞋及搽黑指甲油，更有計劃紋身，他謂：「以前爺爺最反對我入行，但攞獎之後有唔同睇法，所以我想紋啲紀念字句畀自己做嘢有推動力。」
文：影視組