子丹氹老婆行房 詩詩決絕：No！

子丹愈講愈興奮，竟公然撩老婆詩詩即晚造人。

甄子丹與太太汪詩詩昨日為家品生活館擔任剪綵嘉賓，大會即場送上印有「丹」字的床褥給二人。詩詩透露懷孕的妹妹圓圓有嘔吐現象，問會否過兩招心得給妹妹？她笑說：「我已經唔記得啦。」子丹即笑說：「佢生完我請教番佢。（你仲想詩詩生？）睇下緣分，如果生有個伴陪下姨甥，我仔女都大啦，一齊坐baby seat都幾好。」詩詩指一對仔女最開心，因為就快有表弟或表妹玩。

圓圓大肚意料中事

子丹謂圓圓懷孕是意料中事，因為她和老公蔡加讚都很喜歡小朋友，問圓圓是否要生6個？子丹繼續發揮搞笑本色說：「6個生唔生到呀？5個啦！老婆初初夠話要生9個，生成隊足球隊。」詩詩解釋：「未生過以為大肚好易，淨係食下嘢。」子丹忍不住取笑老婆：「佢以為好多好處，嗰時佢要食咩我都陪佢食！」詩詩即說：「我肥你都要肥！」兩公婆大耍花槍！

子丹有意為一對子女追個細佬妹。

圓圓和老公蔡加讚都喜歡小朋友，懷孕是意料中事。（資料圖片）

提到蔡家有意在大宅興建兒童樂園讓孫兒玩，恨再做老竇的子丹開心地說：「未聽過，趁住咁嘅機會，順便（生BB）啦，我哋有份用，仲有7件！」他愈說愈起勁，更落足嘴頭叫老婆生：「今晚努力，反正呢兩個月未開工，又有新床褥，望住『丹』字一睇知係『宇宙最強』！」嚇得詩詩耍手擰頭大嗌：「No！Oh my god！最貴嘅床褥都唔得，Sorry。」

文：名人組