惠英紅現腩急減肥

惠英紅昨日到電台受訪時，表示將行catwalk騷，獻出「第一次」，但她最近卻被病魔纏身，小紅姐說：「之前腳筋傷咗，醫生唔畀着平底鞋，驚啲筋會黐住啲骨。」她表示休養了一段時間後驚現肚腩，因此近日忙於食麥皮減肥：「可能咁樣搞到血糖偏低，睇嘢好似打爛玻璃咁，頭暈暈。Catwalk件衫都幾性感貼身，遲吓新戲開鏡、金像獎都想靚啲。」最誇張一次是她有次在髮型店突然因血糖低而頭暈、抽筋，她說：「店員以為我吸毒呀！可能因為我面都青晒，最後食咗幾粒方糖就走。」